A adega valdeorresa Roandi lanza a primeira ruta promocional dos seus viños en 31 establecementos da cidade compostelá
Bodega Roandi elixiu
Santiago para o lanzamento de O Camiño de
Dona Delfina, unha actividade promocional que se desenrola dende o día 28
de maio ata o 22 de xuño. A proposta desta adega valdeorresa vai dirixida a tódolos
amantes do bo viño, ofrecéndolles un “camiño alternativo” por 31 locais da
cidade onde degustar os novos Dona
Delfina Godello 2013 e Dona Delfina
Rosado 2013. A vila do Barco de Valdeorras e a cidade de Vigo serán os dous
vindeiros destinos desta orixinal proposta.
Por cada copa que o “camiñante” tome en calquera dos
establecementos participantes, recibirá un selo por cada recadro. Unha vez
completos os nove recadros da cartilla, deberá enchela cos seus datos persoais
para así cambiala por unha botella de viño tinto Bancales Moral 2011 (DO
Valdeorras) no establecemento colaborador Vide
Vide. Tódalas cartillas recollidas durante a promoción, entrarán nun sorteo
de 10 lotes de viño de Bodega Roandi, máis un premio final dunha fin de semana
de Enoturismo na comarca ourensana de Valdeorras.
Os establecementos participantes no Camiño de Dona Delfina:
Pedra Santa, La
Bodeguilla de San Lázaro, De Mon, A Moa, Restaurante Rúa, Bicoca, La Bodeguilla
de San Roque, Garumbistro, Casa das Crechas, As Dúas, O Curro da Parra, Casa
Pepe, Pazo de Altamira, Grândola, Kunsthalle, Los Caracoles, O Celme do
Caracol, Viñoteca Ventosela, O Boteco, A Charca, Porta Faxeira, A Tulla, Malak
Bistro, La Cavita, Artesana, La Bodeguilla de Santa Marta, Don Quijote, A Nave
de Vidán, Cervexería Luna, Café Bar Casimiro, Esquina.
VIÑOS DONA DELFINA 2013
Rosado. A novidade principal céntrase no Dona Delfina Rosado 2013, elaborado coas variedades da zona Mencía, Sousón e Brancellao, que o converten nun dos escasos rosados de Galicia, terra non afeita á elaboración deste tipo de viños. Caracterízase polo tono brillante da súa cor rosada e polas notas de frambuesa e os aromas a fresas e grosellas que fan del un viño áxil e vivo.
Godello. O blanco é un viño elaborado coa uva propia
Godello que crece nos viñedos en bancais característicos dos viñedos da adega.
Destaca a cor amarela brillante do viño e os aromas de frutas e flores brancas.
